Hamare bharat desh mein do cheezein dharmon ki tarah mani jati hein- Cricket or filme. Bharat ke yuvaon mein cricket ko lekar deewangee behad hai. kuch yuva jahan ise manoranjan or desh ki team ko protsahit karne ke liye dekhte, khelte hein vahin kuch yuvaon ke liye ye khel unke jeevan ka uddeshya bhi hai or lakshya bhi. Agar aap bhi un yuvaon me se hein jo desh ke liye khelne ka sapna dekhte hein or cricketer banna hi apke jeevan ka ekmatra abhipray hai to apko isme career kaise banana hai iski puri jankari honi bahut avashyak hai. Hamara ye lekh un yuvaon ke liye hai jo cricketer banna chahte hein or isse judi saari jaankari aapse yahan sajhaa ki gayi hai.
Agar cricketer ya vishva ke kisi bhi khel ke peshewar khiladi banna chahte hein to sabse pehla niyam hai apne shareer ko pusht rakhna. Vahin baat rahi cricket ki to isme vo log behtar sthan pa sakte hein jinhe cricket ke teen prarupon me se ek -batting, bowling ya feilding (ballebaazi, gendbaazi or kshetra-rakshan) me nipunta hasil ho. Cricketer banne ka sapna to lakhon yuva dekhte hein lekin desh ki team me khelne ka gaurav or saubhagya un hi yuvaon ko naseeb ho pata hai hai jo is khel ke liye zaruri kada parikshram or kai bar vyaktigat samay ka tyag karne ko tatpar rehte hein. apni vyaktigat pareshaniyon ko bhoolkar bhi hamesha khel ko apna sarvatra dena padta hai or kabhi bhi desh/videsh yatra hoti rehti hein. Peshewar cricketer banna ek bahut hi kathor yatra hai. ye khel unhi ke liye hai jo ye sab kar sakte hein.
Cricketer banne ka pratham padaav
Cricketer player banne ka safar shuru hota hai kisi peshewar cricket club ki aur se khelne se. yahan behtar pradarshan karne ke bad khiladi ko under 16 me khelne ka avsar milta hai. lagatar behtar pradrshan kar rahe khiladi ek ke bad ek mauke milte hein. Jaise ki ranji, under-17 national team, under-19 rashtriya team, under-21 rashtriya team or phir aakhir me jakar antar-rashtriya star par (National team) rashtriya team ke liye khelne ka gaurav prapt hota hai. cricketer banne ka sapna dekhne vale adhiktam yuva antar-rashtriya star par khelne ke uddeshya se hi club me shamil hote hein. Antar-rashtriya cricket ke teen sanrup (format) hein-test match (panch divasiya match), one day international (ODI (ek divasiya match)) or T20 international matches (20-20 overon ka match).
Khiladi khhud kar sakte hein chunav
Gharelu cricket mein first class (pratham shreni), list A or T20 match ayojit hote hein. cricket khiladi ke taur par aap apne hisaab se apna raasta chun sakte hein, adhiktar khiladi khel ke ek prarup mein hi puri tarah nipun hone ka lakshya rakhte hein, ballebazi, gendbazi ya kshetra-rakshan. Kuch khiladi cricket ke fatafat praroop yani T-20 match par hi dhyan kendrit kiye hote hein or ve aage jakar koi T-20 league (sangathan) mein bharti ho jate hein. yahan se unke saman praroop mein rashtriya team me chayanit hone ke avsar bhi khul jate hein. Antar-rashtriya khiladi vishva me sabse zyada kamai karne vale khiladi hote hein.
Selection Process in Cricket
khiladi ko samanyatah sanchalak samiti (Board)dwara anubadhit kiya jata hai. Bharat mein cricket sanchalak samiti BCCI (Board of cricket control of India) hai. Bharat ke antar-rashtriya matchon ka prabandhan BCCI ke hi zimme hota hai. Board ke aur karyon me khiladiyon ke liye aachar-sanhita banane or prayojak dhundne ka kam bhi shamil hota hai. halanki kuch deshon me khiladiyon ko ek had tak is bat ki chhoot hoti hai ki ve apne liye khud vyaktigat prayojak dhund sakte hein.
Income of Cricketers – Khiladiyo Ki Aay
Agar aap bade star tak pahuchne ka madda rakhte hein to cricket mein aseem kamai ke avsar khule hein. If you make it big, there is tremendous earning potential as a cricketer. Pichle kuch samay mein cricket ke liye prayojakon ki geenti mein gazab ka izaafa hua hai, yahan tak ki jo khiladi gharelu cricket khelte hue desh/vishva mein T20 tournamenton mein bhag lete rehtein hein, unhe bhi ek moti rakam prapt hoti hai. England mein sheersh khiladiyon ki kamai £250000 se lekar £400000 (20-40 karod tak hai). vahin hamare desh mein sheersh khiladi ek karod rupay (Rs. 1 crore) tak ki kamai karte hein. Pratham shreni ke khiladiyon ko itni badi rakam kamai ke roop mein nahi milti.
Kis desh me hai cricket ko career ki tarah chunna tarksammat
Bhale hi cricket duniya ke jane mane khelon me se ek ho. Lekin duniya ke 1/3 desh ab bhi is khel se achhute hein. isliye ye jan lena bahut zaruri ho jata hai ki kin deshon me cricket carrer banana ka faisla arthksham rahega. Cricket me dus pramukh deshon ki test teamein hein- is a India, Pakistan, Bangladesh, Sri Lanka, Australia, New Zealand, South Africa, England and West Indies. Hamare desh ke kisi bhi Pradesh se khelte hue aap national team ke liye chayanit ho sakte hein halanki aapke chayankartaon ki nazar mein aane ke avsar or badh jate hein agar aap bade shehar se aate hein, lekin aisi jagahon par pratispardha behad kadi hoti hai.
Comments